老人家吞嚥困難, 口齒不清

好多老人家係生病或插過胃喉後都有機會出現吞嚥困難、口齒不清等情況老家人一般都會以為係正常嘅後遺症，然後置之不理。其實應該諮詢專業照顧老人家服務。同時，唔少家長以為小朋友講嘢一嚿嚿、口吃等係正常嘅現象，大啲就會好返。其實呢啲觀念都係大錯特錯㗎！無論係小朋友咬字唔清晰或者成人返工講嘢嘅時候口窒窒。其實都會影響個人發展同埋自信，需要盡快搵言語治療師進行適當嘅治療！咁究竟言語治療師係做啲咩㗎呢?

言語治療師工作簡介:

• 提供專業嘅言語治療及諮詢服務
• 為有特殊學習需要嘅兒童提供評估、治療及訓練
• 為患有認知障礙症嘅長者提供言語治療服務

訓練範圍包括: 提供語言前技能、促進語言理解及表達能力、提升兒童嘅社交溝通能力、改善發音清晰度、改善進食及吞咽能力、改善說話時嘅音質、聲線及流暢程度等

簡單啲來講，言語治療師其實就係會利用佢嘅專業知識為有溝通困難及吞嚥困難嘅人(特別係兒童及長者)提供訓練，全面發展其語言及社交能力，幫助發展獨立思考及解決問題嘅能力，有助患者日後各方面嘅發展，並健康快樂咁成長。所以話，言語治療師係一個好偉大嘅職業，需要具備極高嘅情商、耐性及專業，唔係禁易做㗎。